सस्तो आइफोन अर्को महिना

एप्पलको आइफोन मुल्यको कारण लिन नसकेका लागि आगामी सेप्टेम्बर महिना खुसीको हुने भएको छ। अमेरिकी स्मार्टफोन निर्माता एप्पलले आगामी महिना सस्तो आइफोन साथै आइफोन फाइभ एस सार्वजनिक गर्ने भएको स्रोतहरुलाई उल्लेख गर्दै अलथिङडीले उल्लेख गरेको छ। एप्पलले अर्को महिना आइफोन फाइभ र सस्तो आइफोन दुवै सार्वजनिक गर्ने हल्ला यतिखेर प्रविधि वेबसाइटहरुमा र्सवत्र छ।

एप्पलले नयाँ संस्करणको आइफोन फाइभ र सस्तो मूल्यको आइफोन सेप्टेम्बर १० मा सार्वजनिक गर्ने बताइएको छ। आइफोन फाइभ एसमा फिंगर प्रिन्ट सेन्सर साथै स्लोमोसन क्यामेराका साथ आउने हल्ला लामो समय देखी चलिरहेको छ।

कोरियाली स्मार्टफोन सामसङसँगको कानुनी र बजारको लडाइँले बजारको हिस्सा र साख गुमाएको एप्पल र आइफोनका लागि यो नयाँ उत्पादन बजारमा पुन स्थापित हुने माध्यम बन्न सक्छ। त्यसैले यसमा क्यामेरा, ब्याट्री साथै प्रोसेसर अहिलेको आइफोन फाइभ भन्दा करिब दोब्बर हुने आशा राखिएको छ।