फेसलुक विरुद्ध मुद्दा

दुबइमा फेसलुक भन्ने नाम राखेर एक हेयर ड्रेसर सैलुन खुलेपछि कपाल काट्नेहरुलाई त राम्रै भयो तर फेसबुकलाई भने उठ्नु रिस उठेको छ । रिस मात्र होइन फेसबुकले त्यो फेसलुक विरुद्ध मुद्दा समेल हाल्ने तयारी गरेको छ ।

एक अरब प्रयोगकर्ता रहेको विश्वको नम्बर वन सामाजिक संजाल फेसबुकले नाथे एउटा कपाल काट्ने सैलुन विरुद्ध आखिर किन मुद्दा हाल्नुपरेको होला ? भन्ने जिज्ञासा उठ्नु स्वभाविक हो । वास्तवमा त्यो सैलुनले आफ्नो जस्तै नाम मात्र होइन लोगो समेत चोरेको भन्दै फेसबुकले मुद्दा हाल्न सोँच बनाएको हो ।

यो पुरुष सैलुनको बाहिर ठूलो बोर्डमा निलो पृष्ठभूमिमा सेता अंग्रेजी अक्षरमा फेसलुक लेखिएको छ जुन झ्वाट्ट हेर्दा फेसबुक भन्ने जस्तै देखिन्छ ।